2023 оны 5-р сарын 3 дугаар арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм

2023 оны 5-р сарын 3 дугаар арав хоногийн цаг агаарын байдал, хөдөө аж ахуйд хэрхэн нөлөөлсөн тухай тойм

2023-06-01                                                                                                                         Есөнбулаг сум

10 хоногийн тойм бичвэр: Говь-Алтай аймгийн нутгаар 2023 оны 5-р сарын гуравдугаар арав хоногийн байдлаар агаарын дундаж температур Алтайн өвөр говиор 14.6-15.8 градус дулаан, бусад сумуудад 6.5-14.0 градус дулаан байлаа. Агаарын хамгийн их температур Шаргад 29, Тооройд 27, Бигэрт 26, Халиун, Жаргаланд 24, Алтай, Хөхморьтод 23, Тайширт 22, бусад сумуудад 16-21 градус дулаан байлаа.

Агаарын хамгийн бага температур Гуулинд -3, Есөнбулаг, Тонхил, Дэлгэр, Тайшир, Эрдэнэ, Цогтод -2 градус хүйтэн, бусад сумуудад 0-6 градус дулаан байлаа.

Хөрсний гадаргын дундаж температур Хүйс, Бигэрийн говь хоолой, Алтайн өвөр говиор 19-21 градус дулаан, бусад нутгаар 10-18 градус дулаан байлаа. Хөрсний гадаргын хамгийн их температур Тооройд 56, Хөхморьтод 55, Шаргад 54, Алтайд 53, Даривт 52, Бигэрт 51, Гуулин, Дэлгэр, Цээлд 47, Цогт, Тонхилд 46, бусад нутгаар 37-45 градус дулаан байлаа.

Хөрсний гадаргын хамгийн бага температур Эрдэнэд -8, Цогт, Гуулинд -6, Чандмань, Тайширт -5, Есөнбулаг, Дэлгэрт -4 градус хүйтэн, бусад сумуудад 0-2 градус дулаан байлаа.

Хур тунадасны хувьд энэ арав хоногт нийт нутгийг хамарсан ба Тооройд 27.7 мм, Чандманьд 21.5 мм, Тонхилд 18.9 мм, Есөнбулагт 15.4 мм, Гуулинд 14.7 мм, Цогтод 13.9 мм, Дэлгэрт 13.7 мм, Эрдэнэд 12.5 мм, Баян-Уулд 12.4 мм, Бигэрт 10.3 мм, Цээлд 10.0 мм, Төгрөг, Халиунд 9.6 мм, Алтайд 9.0 мм, Тайширт 5.6 мм, Хөхморьтод 3.6 мм,  Бугатад 2.7 мм, Шаргад 2.4 мм, Даривт 2.1 мм, Жаргаланд 1.5 мм, хур тунадас орсон байна.

Салхины хамгийн их хурд Алтай, Бугатад 22 м/с, Тонхил, Шаргад 20 м/с, Хөхморьтод 19 м/с, Есөнбулаг, Тооройд 18 м/с, Дарив, Цээлд 16 м/с, бусад сумуудад 6-14 м/с хүрч цасан шуурга шуурсан байна. Нийт нутгаар 10 м/с-ээс дээш салхитай өдрийн тоо 1-10 өдөр байлаа.

Малын усан хангамж: Малын усан хангамж дунд зэрэг.

Малын тарга хүч: Малын тарга хүч дунд зэрэг байна.  

Малын хорогдол: Тонхилд 2900, Цээлд 2201, Гуулинд 808, Даривт 540 толгой мал, нийт Говь-Алтай аймгийн хэмжээнд 5-р сарын байдлаар 6449 толгой мал хорогдсон гэсэн мэдээ багийн дарга нараас ирсэн  байна.

Ургамлын мэдээ: Говь-Алтай аймгийн ихэнх нутгаар бэлчээрийн ургамлын ажиглалтын талбайд ургамал цухуйлтын үе шат ажиглагдсан байна.

Хянасан: Цаг уурын хэлтсийн дарга                              / Т.Дэлгэрмаа /

        Тойм бичсэн: ХААЦУ хариуцсан ерөнхий технологич ᠮᠡᠰᠢᠭᠳᠣᠷᠵᠢ ᠶᠢᠨ ᠭᠦᠨᠪᠢᠯᠢᠭ  / М.Гүнбилэг /